Saturday 22 February 2020
Home      All news      Contact us      English
tert.am - 29 days ago

Այս խուզարկությունը Հրայր Թովմասյանի և նրա ընտանիքի նկատմամբ հերթական ճնշումն էր. Գոհար Մելոյան

Խուզարկությունն ընդհանրապես անհետաձգելի քննչական գործողություն է և տարրական իրավական գիտելիքներ ունեցող ցանկացած անձ տեղյակ է, որ նմանատիպ գործողությունների քննչական մարմինը դիմում է անմիջապես գործի հարուցումից հետո, որ դրա օպերատիվությունն ապահովվի: Այս մասին ԱրմՆյուզ հեռուստաընկերության եթերում հայտարարեց սահմանադրագետ Գոհար Մելոյանը՝ անդրադառնալով ՍԴ նախագահի Հրայր Թովմասյանի բնակարանում այսօր իրականացված խուզարկությանը: Հրայր Թովմասյանի դեմ քրեական գործ է հարուցվել դեկտեմբերի 23-ին և մեկ ամիս անց քննչական մարմինը նոր դիմում է բնակարանային խուզարկության, որի արդյունքը պետք է լիներ ապացույցներ ձեռք բերելը, իսկ տվյալ իրավիճակում չեմ կարծում, որ օպերատիվությունից ելնելով գործի համար էական նշանակություն ունեցող որևէ ապացույց են ձեռք բերել: Սա իմ գնահատմամբ հերթական գործողությունն էր ՍԴ նախագահ Հրայր Թովմասյանի և նրա ընտանիքի նկատմամբ ռեպրեսիվ բնույթի գործողություն իրականացնելու, սա ՍԴ շուրջ քաղաքական բնույթի գործողությունների շարունակությունն է ,- ասաց նա: Անդրադառնալով քննիչի գործողություններին՝ Գոհար Մելոյանն ասաց, որ քննիչը պարտավորություն ունի ծանոթացնել խուզարկություն կատարելու ծանուցագրին, սակայն զլացել են, որոշակի խնդիրներ են առաջացրել, չեն թողել տեքստային տարբերակին ծանոթանալ: Կարծում եմ՝ այս ապօրինությունները հետագայում կբողոքարկվեն և պետք է, անպայման, արձանագրվեն ու հաշվի առնվեն: Շատ մտահոգիչ իրավիճակ է ստեղծված, արդեն կանխատեսելի: Արդեն շուրջ մեկ տարի է տարաբնույթ քաղաքական հետապնդումների նաև ոչ իրավաչափ գործընթացների ենք ականատես ,- նկատեց նա:

Ինչ վերաբերում է ՍԴ նախագահի կողմից ՍԴ դատավորների վաղ կենսաթոշակի ուղարկելու մասին օրենքին տված գնահատականներին, որ աննախադեպ էր օրենքի՝ ուժի մեջ մտնելու համար 2 ամիս ժամանակը, նաև այն դիտարկմանը, որ ՍԴ 7 դատավորի հրաժարականի դեպքում իսկապես ՍԴ-ում ճգնաժամ կառաջանա, քանի որ մեկ տարում հազիվ մեկ ՍԴ դատավոր են կարողացել ընտրել, Գոհար Մելոյանն ասաց. Չարաբաստիկ օրենքը ոչ միայն Պարոն Թովմասյանի կողմից մատնանշած այս խնդիրներն ունի, այլ խնդիրներ էլ են առկա, որոնց անգամ Վենետիկի հանձնաժողովի կողմից անդրադառնալուց հետո, պետությունը չէր տվել լուծումներ :

Սահմանադրագետը նաև նշեց, որ այստեղ աննախադեպ է ոչ միայն օրենքի կիրառման երկամսյա ժամկետը, այստեղ Վենետիկի հանձնաժողովը մի շարք այլ նկատառումներ էլ է ներկայացվել: Հանձնաժողովը ծավալուն դատաիրավական փաթեթից անդրադարձել էր հենց ՍԴ դատարանին նվիրված կարգավորումներին: Խնդրահարույց է այն, որ ՍԴ 7 դատավորներն էլ ընդունեն այս համակարգից օգտվելու հնարավորությունը և անցնելու վաղ կենսաթոշակի: Բնականաբար ՍԴ-ի գործունեությունը կաթվածահար է լինելու, այն, որ ռեպրեսիվ մեթոդներով ցանկանում են, որ դատավորները դիմեն այս միջոցին, սա հետագա իրավական ներքին անվտանգության առջև է կանգնեցնելու մեր երկրին ու հանրությանը ,- շեշտեց նա:

Related news

Latest News
Hashtags:   

խուզարկությունը

 | 

Հրայր

 | 

Թովմասյանի

 | 

ընտանիքի

 | 

նկատմամբ

 | 

հերթական

 | 

ճնշումն

 | 

Գոհար

 | 

Մելոյան

 | 
Most Popular (6 hours)

Most Popular (24 hours)

Most Popular (a week)

Sources