Saturday 22 February 2020
Home      All news      Contact us      English
tert.am - 30 days ago

ՍԴ նախագահ Հրայր Թովմասյանի բնակարանում ՀՔԾ-ի կատարած խուզարկությամբ ոչինչ չի հայտնաբերվել. բողոքարկելու ենք թե՛ քննիչի գործողությունները, թե՛ դատարանի որոշումը. պաշտպան

ՍԴ նախագահ Հրայր Թովմասյանի բնակարանում ՀՔԾ-ի կատարած խուզարկությամբ ոչինչ չի հայտնաբերվել: Այս մասին լրագրողների հետ զրույցում հայտարարեց Թովմասյանի պաշտպաններից Ամրամ Մակինյանը: Փնտրում էին փաստաթղթեր, որոնք չէին կարող լինել իրականության մեջ, այդ տրամաբանությամբ նաև չեն հայտնաբերվել ,-ասաց փաստաբանը՝ նշելով նաև, որ այս պահին բնակարանում քննիչներ չկան: Անդրադառնալով ՀՔԾ-ի կողմից բնակարանի խուզարկության թույլտվությունը փաստաբաններին չտրամադրելուն՝ Մակինյանն ասաց, թե որոշումն իրեն տրամադրվել է, չէր տրամադրվել մյուս պաշտպան Միհրան Պողոսյանին, և մինչև վերջ չի ծանոթացել Հրայր Թովմասյանը: Վերջինս խնդրեց տրամադրել որոշումը, չտրամադրվեց, ընթերցվեց քննիչի հայեցողությամբ՝ հատվածական: Իսկ ծանոթանալը չի ենթադրում, որ քննիչն ընթերցի, մենք լսենք: Կա դատավարական կարգ՝ փաստաթուղթը օրենքով սահմանված կարգով չեն տրամադրվել Թովմասյանին, Պողոսյանին : Հարցին՝ դատարանի որոշման հիմնավորումներն ընդունելի՞ են փաստաբանների համար, Մակինյանն արձագանքեց, թե հիմնավորումները որոշմամբ երևալ չեն կարող. Կարող են երևալ դատական գործում: Դատարանի որոշմամբ երևում է միայն, որ կա խուզարկության թույլտվություն ,-նշեց նա՝ ընդգծելով, որ անպայման բողոքարկելու են թե՛ քննիչի գործողությունները, թե՛ դատարանի որոշումը, որը կայացրել է դատավոր Արտուշ Գաբրիելյանը: Մակինյանը հայտնեց նաև, որ տեսանկարահանել է խուզարկության ընթացքը: Քանի որ քննիչն ակնհայտ ապօրինի գործողություններ էր կատարում, պաշտպանության, իրավունքի արդյունավետ իրացման համար իրականացրել եմ նկարահանում՝ նաև հանրությանը ցույց տալու համար, թե ինչպես է իրականացվում ՀՀ ՍԴ նախագահի բնակարանում խուզարկության բուն ընթացքը ,-ասաց փաստաբանը: Հիշեցնենք՝ ՀՔԾ աշխատակիցները Թովմասյանի բնակարանը խուզարկում էին այսօր առավոտից:

Related news

Latest News
Hashtags:   

նախագահ

 | 

Հրայր

 | 

Թովմասյանի

 | 

բնակարանում

 | 

կատարած

 | 

խուզարկությամբ

 | 

ոչինչ

 | 

հայտնաբերվել

 | 

բողոքարկելու

 | 

քննիչի

 | 

գործողությունները

 | 

դատարանի

 | 

որոշումը

 | 

պաշտպան

 | 
Most Popular (6 hours)

Most Popular (24 hours)

Most Popular (a week)

Sources