Thursday 20 February 2020
Home      All news      Contact us      English
tert.am - 28 days ago

Հայկ Մարությանը փրկվեց. Փաշինյանը ռիսկի չի դիմի

Հունվարի 22-ին խորհրդարանում տեղի ունեցած ԱԺ-Կառավարություն հարցուպատասխանի ընթացքում ԱԺ ամբիոնից հնչած Նիկոլ Փաշինյանի ելույթից պարզ դարձավ, որ Երևանի քաղաքապետարանին նվիրաբերած աղբատարերի հարցով ստեղծված քննիչ հանձնաժողովին այդպես էլ բախտ չի վիճակվելու խորամուխ լինել Հայկ Մարությանի գործունեության՝ շատերի համար այդպես էլ մութ մնացած խութերի մեջ. Երևանի քաղաքապետարանին դեռ նախորդ տարի արված նվիրատվությունների ուսումնասիրության նպատակով ստեղծված քննիչ հանձնաժողովի անդամների թվի սահմանման վերաբերյալ նախագծի՝ Իմ քայլի ցուցաբերած կեցվածքի պատճառով տապալումը վարչապետը փորձել է հիմնավորել Արդարադատության նախարարությունից իր ստացած վերլուծությամբ: Պարզվում է՝ չգիտես ինչպես կամ ինչ հիմքով, Երևանի ավագանու վերլուծությունը վերլուծելով՝ նախարարությունում գտել են ու Փաշինյանին զեկուցել, որ Երևանի ավագանու հիմնավորումները իրավական են : Ավելի վաղ Երևանի ավագանու Իմ քայլը խմբակցությունը հայտարարություն էր տարածել, ուր որոշ օրենսդրական դրույթներ ու կետեր ենթարկելով յուրովի մեկնաբանության՝ անթույլատրելի էր համարել Ազգային ժողովի կողմից տեղական ինքնակառավարման մարմնի գործունեության նկատմամբ օրենքով չսահմանված ձևով միջամտելը ՝ գտնելով, որ նման գործընթացի մեկնարկը նաև անհարգալից վերաբերմունք է տեղական ինքնակառավարման մարմինների՝ ավագանու և քաղաքապետի ինստիտուտի նկատմամբ ։ Հիշեցնենք, որ համապատասխան հանձնաժողով ստեղծելու նախաձեռնությունը Լուսավոր Հայաստանին է պատկանում. խորհրդարանական ընդդիմությունը կասկած էր հայտնել, որ Երևանին մի քանի ընկերությունների և անհատների կողմից 21 աղբատար մեքենաների նվիրատվության մեջ կարող էին լինել կոռուպցիոն ռիսկեր, և որ հնարավոր է՝ բեռնատարների դիմաց քաղաքապետարանը նվիրատուներին տվել է շինթույլտվություններ՝ նման կերպ նրանց վարձահատույց լինելու։ Իշխանությունների կեցվածքն այս հարցում, իհարկե, անակնկալ դժվար է համարել: Այն, ըստ էության, բացառապես ունի քաղաքական դրդրապատճառներ. Փաշինյանի ողջ թիմը որոշել է բռունցքվել ու մի մարդու նման դուրս գալ ընդդեմ Հայկ Մարությանի անունն արատավորող հանձնաժողովի գոյության դեմ ու, քանի ուշ չէ, կանխել դրա գործունեության պատճառով անխուսափելիորեն առաջանալիք տհաճ հետևանքները: Իրավունքի ուժով ստեղծված քննիչ հանձնաժողովի բնականոն գործունեությունը, մեծ հավանականությամբ, կարող էր դառնալ իշխանությունների համար կործանարար պրոցեսների սկիզբ՝ հեռուն գնացող հետևանքներով, ու վերջին պահին, փաստորեն, որոշում կայացվեց չվստահել Հայկ Մարությանի անաչառության մասին իշխանական առասպելներին ու չտրվել սեփական բախտը փորձելու վտանգավոր գայթակղությանը: Մյուս կողմից, սակայն, հարց է առաջանում՝ կապված Հայկ Մարությանին վեթինգից փրկելուն ուղղված իշխանական քայլերի իրավաչափության հետ. եթե իսկապես իրավաբանական հարթության վրա կան խնդիրներ, ապա ինպե՞ս կարող էր պատահել, որ ԱԺ նախագահն այդ մասին ի սկզբանե տեղյակ չլիներ, եթե 2019-ի դեկտեմբերի 5-ին էլ, ինչպես և այժմ, նա չէր կարող այրվել խորհրդարանական ընդդիմության կապրիզները բավարարելու ցանկությունից: Թե՞ այն ժամանակ բորբոքված հուրը մարելու այսրոպեական խնդիր էր լուծվում՝ թեման հետագայում նրբորեն թաղելու թաքուն մարմաջով: Կամ եթե այդքան վստահ են իրենց զինակցի անբասիր վարքագծի, քաղաքապետարանում կոռուպցիոն ռիսկերի չգոյության հարցում, ապա ի՞նչը կարող էր խանգարել Իմ քայլին ու դրա գլխին օգտագործել ստեղծված առիթն ու մեկընդմիշտ փակել զրպարտիչների բերանը: Թո՛ղ գնային, ուսումնասիրեին ու համոզվեին, որ կասկածները սնամեջ են, իսկ Մարության Հայկն էլ իրականում ամենալավ ու ազնիվ քաղաքապետն է ողջ աշխարհում: Բայց իշխանությունները նախընտրեցին նոր կասկածներ ծնող ու բազմաթիվ հարցականների տեղիք տվող ուղին. նրանք չարաշահեցին ունեցած իշխանությունն ու խորհրդարանական ընդդիմությանը կրկին ցույց տվեցին բնությամբ հատկացված իր տեղը: Եթե կա մեկն, ով ունի կասկածելու ու յուր կասկածները բոլոր թույլատրելի կամ անթույլատրելի միջոցներով փարատելու իրավունք, իշխանությունն է, այլ ոչ թե հասարակությունը և կամ, առավել ևս, ընդդիմությունը. բոլորը պարտավոր են հիմք ընդունել բացառապես իշխանության տեսակետն ու այն դարձնել միակ ու անքննելի ուղենիշ, իսկ թե ինչ կլինի հետո, ոչ մեկին չի հուզում:

Related news

Latest News
Hashtags:   

Մարությանը

 | 

փրկվեց

 | 

Փաշինյանը

 | 

ռիսկի

 | 
Most Popular (6 hours)

Most Popular (24 hours)

Most Popular (a week)

Sources