Thursday 27 February 2020
Home      All news      Contact us      English
tert.am - 1 month ago

Մարդու երջանկությունը քաղաքական օրակարգում պետք է դառնա որպես բարձրագույն նպատակ. Նիկոլ Փաշինյան

Մեր այսօրվա ամենամեծ խնդիրն այն է, որ մեր բնակավայրերում գույն ընդհանրապես չկա, եթե ուշադիր նայեք հատկապես գյուղական բնակավայրերին, գորշ շենքերի հավաքածու է: Այս մասին ԱԺ-Կառավարություն հարցուպատասխանի ընթացքում հայտարարեց ՀՀ վարչապետ Նիկոլ Փաշինյանը՝ անդրադառնալով ԱԺ Իմ քայլը խմբակցության պատգամավոր Նարեկ Մկրտչյանի՝ երջանկության մասին հարցին: 2011 թ. ՄԱԿ-ն ընդունել է բանաձև երջանկության մասին, համաձայն որի՝ անդամ երկրներին կոչ է արվում հետևել Բութանի համախառն ազգային երջանկության փիլիսոփայական ինդեքսին, որը ներառում է 8 բաղադրիչ՝ լավ մշակութային քաղաքականություն, լավ կրթություն, ժամանակի լավ կառավարում, առողջապահություն, հոգեբանական բարեկեցություն, լավ կենսամակարդակ, բնապահպանություն, հանրույթի կարևորություն և լավ կառավարում ,-ասաց Մկրտչյանը՝ նշելով, թե նույն բանաձևում կոչ է արվում նաև անդամ երկրներին երջանկությունն ընկալել իբրև համամարդկային նպատակ: Հիմա մեր Կառավարությունն այնպիսի գործընթացում է գտնվում, որը համապատասխանում է այս բանաձևի՝ ազգային երջանկության 8 բաղադրիչներին: Մենք՝ իբրև ՄԱԿ-ի անդամ երկիր, իբրև իշխանություն, որի նախընտրական քարոզարշավի կարգախոսներից մեկն անհատի երջանկության մասին էր, չարժե՞ արդյոք մեր գործընթացները ներկայացնելիս առաջնորդվել այս չափույթով ,- հարցրեց պատգամավորը:

Նիկոլ Փաշինյանն արձագանքեց, թե 2014-2015 թվականներին, երբ հիմնադրում էին Քաղաքացիական պայմանագիր կուսակցությունը, քննարկում դրա ծրագրային դրույթները, եկել են այն եզրակացության, որ մարդու իրավունքների ապահովման և պաշտպանության անհրաժեշտությունն այլևս բավարար չէ ժամանակակից պահանջների համար: Մարդու իրավունքներն ու ազատությունները կարող են պաշտպանված լինել, բայց մարդը չլինի երջանիկ: Պետք է ստեղծել պայմաններ՝ մարդու երջանկության համար: Մենք կարևոր ենք համարում, որ մարդու երջանկությունը քաղաքական օրակարգում դրվի որպես բարձրագույն նպատակ ,- ասաց վարչապետը, ապա ներկայացրեց օրինակ, թե ինչպես կարող են տարբեր հանգամանքներ ազդել երջանկության վրա։

Երբ ճանապարհ ենք վերանորոգում, բայց պատշաճ, ժամանակակից պայմաններին
բավարարող ճանապարհային նշաններ չկան, մենք մարդու երջանկությունը ապահովելուն խոչընդոտում ենք, որովհետև եթե ճանապարհային նշաններն իրենց չեն հուշում՝ որտեղ ձախ, որտեղ՝ աջ քշել և այլն, մենք այդ մարդու համար խնդիրներ ենք ստեղծում ,- ասաց նա՝ հավելելով նաև, որ իր համոզմամբ՝ երջանիկ կարող է լինել միայն աշխատող, ստեղծագործող, սեփական վաստակով սեփական բարեկեցությունը կառուցող մարդը, իսկ ընդամենը ուրիշի ողորմության հույսին գտնվող մարդը՝ ոչ:

Related news

Latest News
Hashtags:   

Մարդու

 | 

երջանկությունը

 | 

քաղաքական

 | 

օրակարգում

 | 

դառնա

 | 

որպես

 | 

բարձրագույն

 | 

նպատակ

 | 

Նիկոլ

 | 

Փաշինյան

 | 
Most Popular (6 hours)

Most Popular (24 hours)

Most Popular (a week)

Sources