Sunday 16 February 2020
Home      All news      Contact us      English
tert.am - 25 days ago

Հայաստանը EIU-ի «Ժողովրդավարության ինդեքս- 2019» զեկույցում 103-րդ հորիզոնականից բարձրացել է 86-րդ հորիզոնական (տեսանյութ)

Բրիտանական The Economist Group-ի հետազոտական և խորհրդատվական ճյուղ կազմող Economist Intelligence Unit-ը (EIU) հրապարակել է Ժողովրդավարության ինդեքս-2019 զեկույցը, որում ներառված 165 երկրների և երկու տարածքների շարքում է նաև Հայաստանը: Տվյալ զեկույցը ներկայացնում է աշխարհի տարբեր պետություններում ժողովրդավարության վիճակը: Փաստաթուղթը կազմելիս հեղինակները հաշվի են առել հետևյալ 5 գործոնները՝ ընտրական գործընթաց և պլյուրալիզմ, քաղաքացիական ազատություններ, կառավարության աշխատանք, քաղաքական կյանքին մասնակցություն և քաղաքական մշակույթ: Բացի այդ, մասնագետներն առանձնացրել են ռեժիմի չորս տեսակ՝ լիարժեք ժողովրդավարություն, թերի ժողովրդավարություն, հիբրիդային ռեժիմ և ավտորիտար ռեժիմ: Մեր երկիրը ներառվել է հիբրիդային ռեժիմ ունեցող պետություններ շարքում և բարելավել է իր դիրքերը 2018-ի համեմատ 103-րդ հորիզոնականից բարձրանալով 86-րդ հորիզոնական: Մեր հարևան Վրաստանը ցուցակում Հոնդուրասի հետ կիսում է 89-րդ հորիզոնականը, Թուրքիան զբաղեցնում է 110-րդ հորիզոնականը և Հայաստանի ու Վրաստանի հետ ներառված է հիբրիդային ռեժիմ ունեցող պետությունների ցանկում: Ադրբեջանը ցանկում 146-րդն է և ընդգրկվել է ավտորիտար ռեժիմ ունեցող պետություննների շարքում: Ռուսաստանն ու Իրանը նույնպես ընդգրկվել են ավտորիտար ռեժիմ ունեցող պետությունների շարքում: Ռուսաստանը 134-րդ հորիզոնականն է կիսում Կոնգոյի Հանրապետության հետ, իսկ Իրանը հանգրվանել է 151-րդ հորիզոնականում: Առաջին հորիզոնականում Նորվեգիան է, հաջորդում են Իսլանդիան, Շվեդիան, Նոր Զելանդիան, Ֆինլանդիան: Վարկանշային աղյուսակը եզրափակում են Չադը, Սիրիան, Կենտրոնաֆրիկյան Հանրապետությունը, Կոնգոյի Դեմոկրատական Հանրապետությունը և Հյուսիսային Կորեան:

Related news

Latest News
Hashtags:   

Հայաստանը

 | 

Ժողովրդավարության

 | 

ինդեքս

 | 

զեկույցում

 | 

հորիզոնականից

 | 

բարձրացել

 | 

հորիզոնական

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources