Friday 28 February 2020
Home      All news      Contact us      English
tert.am - 1 month ago

Կարծում եմ, որ ժամանակն է արտաքին գերատեսչությունում փոխնախարարներից մեկը լինի միջազգային իրավունքի մասնագետ. պատգամավորը ԱԳ նախարարին (տեսանյութ)

ԱԺ Լուսավոր Հայաստան խմբակցության պատգամավոր Տարոն Սիմոնյանն այսօր ՀՀ կառավարության հետ հարցուպատասխանի ժամանակ հարց ուղղեց ԱԳ նախարար Զոհրաբ Մնացականյանին, ասելով. Մեր նախորդ բոլոր կառավարություններն արտաքին քաղաքականությունում դրսևորել են պահպանողականություն և Ձեր կառավարության առջև խնդիր է դրված լինել ավելի նախաձեռնող: Դեպի ծով ելք չունեցող պետությունները միջազգային իրավունքի շրջանակում ունեն արտոնություններ և այն պետությունները, որոնք գտնվում են դեպի ծով ելք չունեցող այլ պետությունների մեջտեղում, պարտավոր են առնվազն չխոչընդոտել ծով մուտք ունենալուն: Սա Թուրքիայի Հանրապետությանը ևս վերաբերում է և առնվազն 2 միջազգային կազմակերպության շրջանակում: Այս առումով արդյո՞ք մեր արտաքին քաղաքականության գերատեսչությունը փորձելու է ապագայում ավելի նախաձեռնող լինել և օգտագործել միջազգային իրավունքով թույլ տված հնարավորություններն ու գործիքակազմը, մեր հարևաններին պարտադրելու, որպեսզի հարգեն միջազգային իրավունքը: ԱԳ նախարար Զոհրաբ Մնացականյանը պատասխանելով պատգամավորին՝ ասաց, որ ՄԱԿ-ի շրջանակում գոյություն ունի դեպի ծով ելք չունեցող երկրների խումբ, որոնք շուրջ 30-ն են և Հայաստանը նույնպես այդ երկրների ցանկում է: Նախարարի խոսքով, իրենք ևս աշխատում են և իրականացնում են գործակցություն այդ երկրների հետ: Հայաստան-Թուրքիա հարաբերությունների բացակայությունն այսօր ավելի լայն իմաստով՝ անվտանգության առումով մարտահրավեր է Հայաստանի համար: Մենք այս հարցը դիտարկում ենք այդ տեսանկյունից, որն ավելի սուր է, և Թուրքիայի՝ վտանգ պարունակող գործոնը, որը տեսանելի է մեր արտաքին քաղաքականության մեջ: Ավելի կոնկերտ գործողությունների առումով՝ պետք է ասեմ, որ իրավական դաշտում մեզ անհրաժեշտ է առավել մանրակրկիտ հաշվարկ, թե ինչպես ենք մենք այս գործընթացը շարունակելու իրավական դաշտում ,- ասաց Մնացականյանը: Պատգամավորն արձագանքելով նախարարին, ասաց, որ միջազգային իրավունքով զբաղվող մեր մասնագետները սրանից 5-10 տարի առաջ բավականին խորը հետազոտություններ ունեն այդ բնագավառում և արդեն իսկ գոնե գիտության ասպարեզում կան ռեալ գործիքակազմեր, որոնք կարող են օգտագործվել արտաքին քաղաքականության գերատեսչության կողմից: Կարծում եմ, որ միգուցե ժամանակն է, որ արտաքին գերատեսչությունում փոխնախարարներից մեկը լինի միջազգային իրավունքի մասնագետ, որպեսզի կարողանանք ուժեղացնել այդ թևը և օգտագործել միջազգային իրավունքի տված բոլոր հնարավորությունները ,- նշեց Տարոն Սիմոնյանը: Նախարարն ասաց, որ ուրախությամբ ընդունում է առաջարկը: Մանրամասները՝ տեսանյութում

Related news

Latest News
Hashtags:   

Կարծում

 | 

ժամանակն

 | 

արտաքին

 | 

գերատեսչությունում

 | 

փոխնախարարներից

 | 

միջազգային

 | 

իրավունքի

 | 

մասնագետ

 | 

պատգամավորը

 | 

նախարարին

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources