Friday 28 February 2020
Home      All news      Contact us      English
tert.am - 1 month ago

Նուրսուլթան Նազարբաևի թոռը հայտարարել է իրեն սպանելու փորձերի մասին

Ղազախստանի առաջին նախագահ Նուրսուլթան Նազարբաևի թոռը Այսուլթան Նազարբաևը, որն ինքնասպանության փորձ էր կատարել և դատապարտվել էր 1 տարվա պայմանական ազատազրկման Մեծ Բրիտանիայում ոստիկանի վրա հարձակվելու համար, հայտարարել է, որ իրեն ցանկանում են սպանել: Այս մասին տեղեկացնում է lenta.ru կայքը: Այսօր հունվարի 22-ին, Այսուլթանի ֆեյսբուքյան էջում տարօրինակ գրառումներ են հայտնվել: Նազարբաև կրտսերը հայտարարել է, որ գտնվում է անգլիական հիվանդանոցում, եղել է բանտում և խնդիրներ է ունեցել ազգականների հետ: Ես կարծում եմ, որ իմ պապը կարող է ձեզ ամեն ինչ պատմել ,-գրել է նա: Շուտով նրանք կփորձեն կա՛մ սպանել ինձ, կա՛մ ապացուցել, որ ես խելագար եմ, կա՛մ էլ իմ հոր պես կկախեն բանտախցում: Իմ ուժն Ալլահի, նրա որդի Հիսուսի և Սուրբ հոգու հետ է ,- հայտարարել է Այսուլթանը: Նախկին նախագահի թոռը կոչ է արել Մեծ Բրիտանիայի թագուհուն զանգահարել Նուրսուլթան Նազարբաևին և ներողություն խնդրել, որ ինքը վախեցել է իրավիճակին միջամտելուց : Իմ մայրը պապիկին իր ազդեցության տակ էր պահում այն պատճառով, որ ես իր որդին եմ ,-հավելել է Այսուլթանը: Նա նաև կոչ է արել բոլորին մտածել, թե արդյոք մենք ցանկանում ենք ապրել Աստծուց այսքան հեռու երկրում : 2019 թվականի հուլիսին նա կծել էր ոստիկանին, որը փորձել էր խանգարել նրան ինքնասպանություն գործել: Ղազախստանի նախկին նախագահի 30-ամյա թոռանն այդ արարքի համար դատապարտել էին 1 տարվա պայմանական ազատազրկման, 140 ժամ հասարակական աշխատանքների, մի քանի հազար ֆունտ ստերլինգ տուգանքի և վնասի փոխհատուցման, ինչպես նաև ստիպել են բուժում անցնել թմրանյութերի կախվածությունից այցելելով առնվազն 20 բժշկական սեանսի: Այսուլթանի հայրը Ռահաթ Ալիևը, մինչև 2008 թվականն ամուսնացած է եղել Նազարբաևի դստեր Դարիգայի հետ: 2015 թվականին նա մահացած է հայտնաբերվել ավստրիական բանտում, որտեղ գտնվում էր բանկի երկու աշխատակիցների սպանության մեղադրանքով: Ղազախստանում Ալիևին մեղադրել էին իշխանությունը զավթելու ծրագրի և հանցավոր խումբ ստեղծելու համար և դատապարտել էին 40 տարվա ազատազրկման: Ղազախստանը երկու անգամ դիմել էր Ավստրիային Ալիևին արտահանձնելու պահանջով, սակայն մերժում էր ստացել:

Related news

Latest News
Hashtags:   

Նուրսուլթան

 | 

Նազարբաևի

 | 

հայտարարել

 | 

սպանելու

 | 

փորձերի

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources