Sunday 23 February 2020
Home      All news      Contact us      English
tert.am - 1 month ago

Այսօր շուրջ 200 անասնաբույծներ մոտ մեկ ժամ փակել են Վարդենիս-Երևան միջպետական ճանապարհը

Այսօր շուրջ մեկ ժամ փակ է եղել Վարդենիս-Երևան միջպետական ճանապարհը, բացվել է մոտ 1,5 ժամ առաջ: Այս մասին Tert.am-ի հետ զրույցում ասաց Վարդենիսի համայնքապետ Արամ Մելքոնյանը: Ակցիային շուրջ 150-200 մարդ էր մասնակցում, որոնք դեմ էին սպանդանոցների մասին որոշմանը: Անձամբ եմ իրենց հետ հանդիպել ու խնդրել, որ բացեն ճանապարհը, մինչև կառավարությունն այսօր ժամը 4-ին վերջնական որոշում կհայտնի : Համայնքապետը նշեց, որ երեկ կառավարությունում ներկա է եղել սպանդանոցների հարցով քննարկման: Նրա խոսքով՝ բոլորն էլ կողմ են, որ անասունների մորթն իրականացվի սպանդանոցներում, բայց մինչ այդ անհրաժեշտ է պայմաններ ապահովել: Մելքոնյանը չբացառեց, որ անասնաբույծների համար ոչ ձեռնտու որոշման դեպքում ակցիան կվերսկսվի: Հիշեցնենք, որ ըստ կառավարության որոշման՝ 2020 թ. հունվարի 15-ից արդեն սննդի շղթայի բոլոր օպերատորների համար թարմ մսի սպանդանոցային ծագման պահանջը պետք է լինի պարտադիր: Որոշումը դժգոհություններ է առաջացրել անասնաբույծների շրջանում, որոնք պնդում են, թե կառավարությունն այդ որոշումը կայացրել է՝ առանց մասնագետների հետ խորհրդակցելու և համապատասխան պայմաններ ապահովելու: Նրանք վերջին օրերի ընթացքում բողոքի ակցիաներ իրականացրին կառավարության շենքի մոտ, որոնց հաջորդեցին մարզերում միջպետական ճանապարհների փակումները:

Related news

Latest News
Hashtags:   

Այսօր

 | 

շուրջ

 | 

անասնաբույծներ

 | 

փակել

 | 

Վարդենիս

 | 

Երևան

 | 

միջպետական

 | 

ճանապարհը

 | 
Most Popular (6 hours)

Most Popular (24 hours)

Most Popular (a week)

Sources