Wednesday 26 February 2020
Home      All news      Contact us      English
tert.am - 1 month ago

Իրանի հոգևոր առաջնորդը Թրամփին «ծաղրածու» է անվանել

Իրանի գերագույն հոգևոր առաջնորդ այաթոլլահ Ալի Խամենեին, անդրադառնալով ԱՄՆ-Իրան հակամարտության սրմանը, Միացյալ Նահանգների նախագահ Դոնալդ Թրամփին ծաղրածու է անվանել, հայտնում է The Guardian-ը:

Թրամփը ծաղրածու է, որը ձևացնում է, թե իբր աջակցում է իրանցի ժողովրդին, սակայն նրանց մեջքի հետևում թունավոր դաշույն է պահում ,-ասել է Խամենեին:

Ավելի վաղ Թրամփը մի շարք թվիթերյան գրառումներ էր արել՝ ասելով, որ ոգեշնչված է փողոց դուրս եկած և կառավարության դեմ ցույցեր անցկացնող իրանցի ժողովրդով :

Բացի այդ, նա Իրանի կառավարությանը կոչ էր արել հրաժելվել ահաբեկչությունից և երկիրը կրկին հզոր դարձնել :

Հիշեցնենք, որ հունվարի 3-ին ԱՄՆ-ի իրականացրած հատուկ գործողության շրջանակում Բաղդադում սպանվել էր Իրանի իսլամական հեղափոխության պահապանների կորպուսի գեներալ Ղասեմ Սոլեյմանին:

Իրանի գերագույն հոգևոր առաջնորդ այաթոլլահ Ալի Խամենեին խոստացել էր վրեժ լուծել Իսլամական հեղափոխության պահապանների կորպուսի Ղոդս հատուկ ստորաբաժանման ղեկավար, գեներալ Ղասեմ Սոլեյմանիի սպանության համար:

Հունվարի 8-ին Իրանի հեղափոխության պահապանների կորպուսը հայտարարել է գեներալի սպանության համար վրեժխնդրության գործողություն սկսելու մասին՝ հրթիռակոծելով Իրաքի արևմուտքում գտնվող ամերիկյան Այն ալ-Ասադ ռազմակայանը: Ավելի ուշ իրանական Press TV հեռուստաալիքը հայտնել էր, որ Իրաքում ԱՄՆ ռազմաբազաների հրթիռակոծման հետևանքով 80 մարդ է զոհվել: Ամերիկյան կողմը հերքել է զոհերի մասին տեղեկությունը

Related news

Latest News
Hashtags:   

Իրանի

 | 

հոգևոր

 | 

առաջնորդը

 | 

Թրամփին

 | 

ծաղրածու

 | 

անվանել

 | 
Most Popular (6 hours)

Most Popular (24 hours)

Most Popular (a week)

Sources